 |
| រូបភាព៖ khmertimeskh |
ប្រទេសថៃឈ្លានពានយោធាយ៉ាងសាហាវឃោរឃៅមកលើប្រទេសកម្ពុជា រយៈពេល ៥ថ្ងៃ ពីថ្ងៃទី២៤ ដល់ថ្ងៃទី២៨ ខែកក្កដា ឆ្នាំ២០២៥ បន្ទាប់ពីមានកិច្ចព្រមព្រៀងបទឈប់បាញ់របស់កម្ពុជា-ថៃ នៅប្រទេសម៉ាឡេស៊ី ដោយមានការចូលរួមតាមដានពីប្រទេសអាមេរិក និងប្រទេសចិន ថ្ងៃទី២៩ ខែឆ្នាំដដែល។
ផ្អែកតាមសេចក្តីថ្លែងការណ៍របស់ក្រសួងការពារជាតិ បង្ហាញថានៅពេលព្រឹកថ្ងៃទី២៤ ខែកក្កដា ឆ្នាំ២០២៥ ក្រសួងការពារជាតិកម្ពុជា បានប្រកាសថ្កោលទោសជាសាធារណៈចំពោះទង្វើឈ្លានពានយ៉ាងសាហាវឃោរឃៅរបស់យោធាប្រទេសថៃ មកលើអធិបតេយ្យរបស់កម្ពុជា ដោយការរាយលួសបន្លាតាមជើងប្រាសាទ ការបង្ហោះដ្រូន ការបាញ់ឡើងលើ និងការបាញ់ប្រហារមុនមកលើកងទ័ពកម្ពុជា ព្រមទាំងប្រើប្រាស់យន្តហោះចម្បាំងប្រភេទF-16ចូលទៅតំបន់ប្រាសាទតាមាន់ធំ ប្រាសាទតាក្របី ភ្នំខ្មោច មុំបី និងបានពង្រីកការវាយប្រហារទៅតំបន់ផ្សេងទៀត។
ក្នុងសេចក្តីថ្លែងការណ៍របស់ក្រសួងការពារជាតិ បានបញ្ជាក់ពីការឈ្លានរបស់ប្រទេសថៃមកលើប្រទេសកម្ពុជាថា៖ «ដោយនៅព្រឹកថ្ងៃទី២៤ ខែកក្កដា ឆ្នាំ២០២៥ វេលាម៉ោងប្រមាណ ០៦:៣០នាទី ភាគីថៃបានចាប់ផ្តើមបង្កសកម្មភាពបំពានលើកិច្ចព្រមព្រៀងដែលបានឯកភាពគ្នា ដោយឡើងលើប្រាសាទតាមាន់ធំ ហើយលបចូលរាយលួសបន្លាតាមជើងប្រាសាទ, នៅវេលាម៉ោង 0៧:០៤នាទី ភាគីថៃបានបង្ហោះដ្រូន រយៈពេល០២នាទី ហើយនៅវេលាម៉ោង ០៨:៣០នាទី ភាគីថៃបានធ្វើការបាញ់ឡើងលើ។»
សេចក្តីថ្លែងការណ៍របស់ក្រសួងការពារជាតិ បានបន្តថា៖ «បន្ទាប់មកនៅវេលាម៉ោង ០៨:៤៦ នាទីព្រឹកនេះ កងទ័ពឈ្លានពានថៃបានបើកការបាញ់ប្រហារមុនមកលើកងទ័ពកម្ពុជានៅតំបន់ប្រាសាទតាមាន់ធំ និងឈានទៅបាញ់ប្រហារ នៅប្រាសាទតាក្របី តំបន់ភ្នំខ្មោច និងបានពង្រីកភូមិសាស្រ្តនៃការវាយប្រហារទៅដល់តំបន់មុំបី រួមទាំងប្រើប្រាស់យន្តហោះចម្បាំងប្រភេទF-16 បានទម្លាក់ចំនួន០២ គ្រាប់ នៅផ្លូវវត្តកែវសិក្ខគីរីស្វារៈវេលាម៉ោង១០:៤០នាទី ដែលបាននិងកំពុងឈរជើងការពារបូរណភាពទឹកដីរបស់ខ្លួនក្នុងភូមិសាស្ត្រខេត្តឧត្តរមានជ័យ និងខេត្តព្រះវិហារ […]។»
នៅក្នុងសេចក្តីថ្លែងការណ៍ខាងលើក៏បានបញ្ជាក់ថា នៅវេលាម៉ោង ៨:៤៧នាទីព្រឹក ប្រទេសកម្ពុជា បានប្រើប្រាស់សិទ្ធិការពារខ្លួនក្នុងដែនអធិបតេយ្យដែនដីរបស់ខ្លួន និងបានប្រឆាំងការឈ្លានពានរបស់ទាហានថៃ ដែលបានបំពានលើទឹកដីប្រទេសកម្ពុជា។ ទន្ទឹមនឹងនេះ ប្រទេសកម្ពុជាបង្ហាញពីរក្សាសិទ្ធិស្របច្បាប់របស់ខ្លួនក្នុងការការពារខ្លួន និងការឆ្លើយតបយ៉ាងម៉ឺងម៉ាត់ចំពោះអំពើឈ្លានពានយ៉ាងកម្រោលរបស់ថៃ ដោយផ្អែកតាមមាត្រា ៥១ នៃធម្មនុញ្ញអង្គការសហប្រជាជាតិ។
ចំពោះតំបន់របស់ប្រទេសកម្ពុជា ដែលត្រូវបានថៃយោធាវាយប្រហា និងបាញ់ផ្លោងដាក់មានដូចជា តំបន់មុំ៣, ប្រាសាទតាក្របី, ភ្នំខ្មោច, ប្រាសាទតាមាន់ធំ, វាលឥន្ទ្រី, តំបន់ភ្នំទ្រព្យ, ភ្នំអានសេះ-អូរផ្កាស្នេហ៍, ថ្មដា, ច្រកចាក់ប្រែង, តំបន់ជាំតែ, តាមាន់តូច ភ្នំតាចារ, និងអាចមានផ្សេងទៀត។
រយៈពេល ៥ថ្ងៃ រាប់ចាប់ពីថ្ងៃទី២៤ ដល់ថ្ងៃ២៨ ខែកក្កដា ឆ្នាំ២០២៥ គឺជម្លោះព្រំដែនប្រទេសកម្ពុជា និងប្រទេសថៃ បានបើកការបាញ់ផ្លោកដាក់គ្នាទៅវិញទៅមក ហើយកម្ពុជាបានចោទទៅថៃជាអ្នកបង្ករជម្លោះមុន។ ប្រទេសកម្ពុជា មានពីរខេត្ត គឺខេត្តព្រះវិហារ និងខេត្តឧត្តមានជ័យ ចំណែកប្រទេសថៃ មានពីរខេត្ត គឺខេត្តអ៊ូប៊ុន និងខេត្តស៊ីសាកេត ដែលប្រឈមមុខ និងប៉ះទង្គិចគ្នាខ្លាំង។ ចំណែកខេត្តរបស់ប្រទេសកម្ពុជាជាប់ព្រំដែនប្រទេសថៃ ដូចជា ខេត្តបន្ទាយមានជ័យ ខេត្តពោធិ៍សាត់ ខេត្តបាត់ដំបង ខេត្តកោះកុង ក៏ត្រូវបានយោធាថៃបំពានមុនផងដែរ ដោយការបង្ហោះត្រូនចូល និងយកអាវុធធ្ងន់ៗដាក់ក្បែព្រំដែន តែពុំធ្ងន់ធ្ងរដល់ការបាញ់ផ្លោកដាក់គ្នាខ្លាំងឡើយ។
ការឈ្លានពានរបស់ប្រទេសថៃមកលើប្រទេសកម្ពុជា ត្រូវបានអ្នកនាំពាក្យក្រសួងការពារជាតិកម្ពុជាលើកឡើង ក្នុងរយៈពេល ៥ថ្ងៃនោះ ថានៅក្នុងថ្ងៃទី២៤ ខែកក្កដា ឆ្នាំ២០២៥ ម៉ោង08:46ព្រឹក យោធាថៃ បានបើកការបាញ់ប្រហារមុនមកលើកងទ័ពកម្ពុជានៅតំបន់ប្រាសាទតាមាន់ធំ ប្រាសាទតាក្របី ភ្នំខ្មោច និងមុំបី។ បន្ទាប់មកម៉ោង10:40ព្រឹក ថៃប្រើប្រាស់យន្តហោះចម្បាំងប្រភេទ F-16 បានទម្លាក់ចំនួន ០២គ្រាប់នៅផ្លូវវត្តកែវសិក្ខគីរីស្វារៈ ក្នុងភូមិសាស្ត្រខេត្តឧត្តរមានជ័យ និងខេត្តព្រះវិហារ។
អ្នកនាំពាក្យក្រសួងការពារជាតិកម្ពុជា បន្តថានៅក្នុងថ្ងៃទី២៥ ខែកក្កដា ឆ្នាំ២០២៥ ថៃបើកការវាយប្រហារ នៅតំបន់ភ្នំខ្មោច តាថាវ ភ្នំបីសាមបី ប្រាសាទតាមាន់ តាក្របី តំបន់មុំបី តំបន់ជាំតែ ដោយគួរឱ្យធ្ងន់ធ្ងរនោះ គឺថៃប្រើគ្រាប់បែកចង្កោមវាយប្រហារលើតំបន់ភ្នំខ្មោច។ ដល់ម៉ោង 12:30 ថ្ងៃ គឺថៃប្រើប្រាស់យន្តយោះ F-16 ទំម្លាក់គ្រប់បែកចំនួន ៤លើក ដោយត្រង់វត្ត កែវសិក្ខាគិរីស្វារៈចំនួន ៣លើក និងតំបន់ប្រាសាទតាក្របី ១លើក។
អ្នកនាំពាក្យក្រសួងការពារជាតិកម្ពុជា បន្តថានៅក្នុង ថ្ងៃទី២៦ ខែកក្កដា ឆ្នាំ២០២៥ ថៃផ្តើមវាយប្រហារតំបន់ តាថាវ ជាំតែ និង វាលឥន្ទ្រី ថ្មដា ភ្នំខ្មោច ដោយគួរឱ្យធ្ងន់ធ្ងរនោះគឺ យន្តហោះថៃបានទម្លាក់គ្រាប់បែកចំនួន ២គ្រាប់ នៅលើផ្លូវឡើងទៅប្រាសាទព្រះវិហារ និង ទម្លាក់គ្រប់បែកចង្កោមនៅភ្នំខ្មោច។ បន្ទាប់មកនៅម៉ោង02:30ថ្ងៃ ថៃ វៃដោយប្រើរថក្រោះត្រង់តំបន់វាយឥន្ទ្រី។
អ្នកនាំពាក្យក្រសួងការពារជាតិកម្ពុជា បន្តថានៅក្នុងថ្ងៃទី២៧ ខែកក្កដា ឆ្នាំ២០២៥ ថៃបាញ់ផ្លោង ទម្លាក់គ្រាប់បែក កងទ័ពថ្មើរជើង រថក្រោះ បង្ហោះត្រូន ចូលទៅក្នុងតំបន់ វាលឥន្រ្ទី ៥មករា ភ្នំខ្មោច អានសេះ តាថាវ ភ្នំ៣០៣ ប្រាសាទតាមាន់ធំ និងប្រាសាទតាក្របី។ បន្ទាប់មកម៉ោង 01:10ថ្ងៃ ដល់ ម៉ោង04:00ថ្ងៃ ថៃ បានប្រើយន្តហោះចម្បាំងបាញ់គ្រប់រ៉ូកែតជាច្រើនគ្រាន់ទៅតំបន់ ប្រាសាទតាមាន់ធំ ប្រាសាទតាក្រី និងតំបន់មួយចំនួនទៀតរបស់កម្ពុជា។ ដល់ម៉ោង03:17ថ្ងៃ យន្តហោះថៃបានបាញ់ផ្សែងពុលតំបន់អានសេះ។ ក្នុងម៉ោង04:12ថ្ងៃ ថៃបានបាញ់ផ្លោងរង្វើរៗចូលតំបន់ជប់គគី ថ្មរដូង, ចំណែកតំបន់ប្រាសាទតាមាន់ធំ ប្រាសាទតាក្រី ថៃបានផ្លោងចូលដូចភ្លឿងរលឹម, ចំពោះតំបន់៥មករា អានសេះ ភ្នំខ្មោច ថៃវាយប្រហាកាន់តែខ្លាំងក្លាឡើយ។
អ្នកនាំពាក្យក្រសួងការពារជាតិកម្ពុជា បន្តថានៅក្នុងថ្ងៃទី២៨ ខែកក្កដា ឆ្នាំ២០២៥ ថៃបាញ់កាំភ្លើងធំ និងប្រើទ័ពថ្មើជើងថៃ ទៅតំបន់ប្រាសាទតាមាន់ធំ ប្រាសាទតាក្រី។ មកដល់ម៉ោង 08:15ព្រឹក យន្តហោះថៃ F-16 បាញ់គ្រប់រ៉ូកែតទៅតំបន់ប្រាសាទតាក្រី។ បន្ទាប់មកនៅម៉ោង10:25ព្រឹក ទ័ពថ្មើជើងថៃ បានវាយនៅតំបន់ថ្មរដូង គាំទ្រដោយកាំភ្លើងធំ យ៉ាងខ្លាំង ចំណែកកម្លាំងកម្ពុជានៅឈររក្សាបានយ៉ាងរឹងមាំ។
សូមរំលឹកថាមានការផ្សព្វផ្សាយជាសាធារណៈតាមបណ្តាញសង្គមនៅថ្ងៃទី២៨ ខែកក្កដា ឆ្នាំ២០២៥ ដែលជាថ្ងៃចុងក្រោយ ចាប់ពីម៉ោង ៨:០០យប់ ដល់ម៉ោងមុនម៉ោង១២:០០ ថ្ងៃទី២៩ ខែកក្កដា ឆ្នាំ២០២៥ គឺប្រទេសថៃបានវាយប្រហារ និងបាញ់ផ្លោកមកលើប្រទេសកម្ពុជាយ៉ាងខ្លាំង រហូតចូលដល់ថ្ងៃទី២៩ ខែកក្កដា ឆ្នាំ២០២៥ ការចូលជាធរមានកិច្ចព្រមព្រៀងបទឈប់បាញ់របស់កម្ពុជា-ថៃ នៅប្រទេសម៉ាឡេស៊ី ទើបលែងមានការបាញ់ផ្លោក។
ក្នុងរយៈពេល៥ថ្ងៃខាងលើ ដែលប្រទេសថៃឈ្លានពានយ៉ាងខ្លាំងមកលើប្រទេសកម្ពុជា ឃើញថាគ្រាប់ផ្លោងធ្ងន់ៗបានធ្លាក់ចំទីតាំងក្នុងប្រទេសកម្ពុជា ប្រាសាទព្រះវិហារ ផ្ទះប្រជាពលរដ្ឋ សាលារៀន វត្តអារាម កន្លែងប្រកបអាជីវកម្ម ហេដ្ឋារចនាសម្ព័ន្ធ និងផ្សេងទៀតដែលពុំមែនជាកន្លែងយោធាកម្ពុជា។
មួយវិញទៀតចាប់ពីពេលមានបទឈប់បាញ់របស់កម្ពុជា-ថៃយ៉ាងណាក្តី ក៏ប្រទេសថៃនៅបន្តបំពានប្រទេសកម្ពុជាតាមគ្រប់រូបភាព ដែលជាហេតុបង្កឱ្យមានបញ្ហាជាច្រើនជាបន្តបន្ទាប់ តែពុំមានការបាញ់បផ្លោងគ្រប់ធ្ងន់ៗដាក់គ្នាឡើយ។ ប្រទេសកម្ពុជា គឺជាជនរងគ្រោះយ៉ាងពិតប្រាកដដោយសារទង្វើរឈ្លានរបស់ប្រទេសថៃ ព្រោះស្ថានភាពប្រទេសកម្ពុជា គ្មានបំណងណាមួយចង់ទៅបង្កជម្លោះប្រដាប់អាវុធជាប្រទេសថៃដែលមានសេដ្ឋកិច្ចធំជាកម្ពុជាឡើយ។
គួរបញ្ជាក់ថាមុនថ្ងៃទី២៣ ខែកក្កដា ឆ្នាំ២០២៥, មុនពេលថៃឈ្លានពានកម្ពុជា គឺមានហេតុការណ៍ទាហានថៃចំនួន ៥នាក់ រងរបួសដោយសារការផ្ទុះគ្រាប់មីន ភូមិអានសេះ ឃុំជាំក្សាន្ត ស្រុកជាំក្សាន្ត ខេត្តព្រះវិហារ ប្រទេសកម្ពុជា។ ប្រទេសថៃបានចោទកម្ពុជាអំពីបញ្ហាទាហានរបស់ខ្លួនជាន់មីននេះ ចំណែកប្រទេសកម្ពុជាបានចេញបដិសេធទាំងស្រុងភ្លាមៗចំពោះការចោទប្រកាន់ដោយគ្មានមូលដ្ឋានរបស់ភាគីថៃ នៅថ្ងៃដដែល។ ប្រសិនបកស្រាយឱ្យវែងឆ្លាយជាងនេះទៀត គឺនៅថ្ងៃទី២៨ ខែឧសភា ឆ្នាំ២០២៥ ទាហានថៃ បានបាញ់ប្រហារមុនមកលើលេណដ្ឋានដែលជាទីតាំងឈរជើងរបស់កងទ័ពកម្ពុជា បណ្តាលឱ្យទាហានខ្មែរម្នាក់ឈ្មោះ សួន រោន អាយុ៤៨ឆ្នាំ បាត់បង់ជីវិត នៅភូមិតេជោមរកត ឃុំមរកត ស្រុកជាំក្សាន្ត ខេត្តព្រះវិហារ ដែលជាតំបន់មុំបី។
អត្តបទថ្ងៃ២០ សីហា ២០២៥, ដោយ ហេង រិទ្ធ