រូបភាព៖ Facebook Samdech Hun Sen of Cambodia ២២ កុម្ភៈ ២០២៥
បើយោងតាមសេចក្តីប្រកាសព័ត៍មានរបស់គណបក្សប្រជាជនកម្ពុជា របៀបវារៈរបស់បក្សទាំងបី ខាងលើកយកមកពិភាក្សា មានដូចជា ការជំរុញការដោះស្រាយបញ្ហាព្រំដែនដែលនៅសេសសល់ឱ្យបានឆាប់រហ័ស, ការពង្រឹងសារមគ្គីភាពក្នុងសហគមន៍អាស៊ាន ក្នុងនិម្មាបនកម្មសេដ្ឋកិច្ច, ក្នុងសន្តិសុខតំបន់និងពិភពលោក និងការបន្តពង្រឹង ពង្រីកកិច្ចសហប្រតិបត្តិការដែលមានស្រាប់។
ដោយឡែកគណបក្សប្រជាជនកម្ពុជា និងមជ្ឈិមបក្សកម្មុយនីស្តវៀតណាម បានបង្ហាញពីចំណងសាមគ្គីភាព ទំនាក់ទំនងជាប្រវត្តិសាស្ត្រ និងកិច្ចសហប្រតិបត្តិការជាមួយគ្នានូវនយោបាយ សន្តិសុខ ការពារជាតិ ការទូត សេដ្ឋកិច្ច ពាណិជ្ជកម្ម វប្បធម៌ អប់រំ និងទេសចរណ៍។
គណបក្សប្រជាជនកម្ពុជា និងមជ្ឈិមបក្សកម្មុយនីស្តវៀតណាម បន្ថែមថានឹងបន្តគាំទ្រគ្នាទៅវិញទៅមក និងជំរុញកិច្ចសហប្រតិបត្តិការក្នុងក្របខណ្ឌគណបក្ស សភា រាជរដ្ឋាភិបាល និងអង្គការមហាជនរវាងប្រទេសទាំងពីរ ដើម្បីចូលរួមក្នុងការថែរក្សាសន្តិភាព ស្ថិរភាព និងការអភិវឌ្ឍតំបន់ និងពិភពលោក។
គណបក្សប្រជាជនកម្ពុជា និងមជ្ឈិមបក្សកម្មុយនីស្តវៀតណាម ក៏បានលើកឡើងពីអនុវត្តស្មារតីកុងសង់ស៊ីស(ការយល់ព្រមគ្នាជាឯកច្ឆន្ទ)ដើម្បីលើកកម្ពស់ចំណងមិត្តភាពសាមគ្គីភាពជាប្រពៃណីល្អ និងកិច្ចសហប្រតិបត្តិការជួយគាំទ្រគ្នាទៅវិញទៅមក និងបានបង្កើនជំនឿទុកចិត្តគ្នាទៅវិញទៅមកក្នុងភាពជាមិត្តជិតខាងល្អ។
គណបក្សប្រជាជនកម្ពុជា មជ្ឈិមបក្សកម្មុយនីស្តវៀតណាម និងបក្សប្រជាជនបដិវត្តន៍ឡាវ បានឯកភាពគ្នាជួបប្រជុំកំពូល នៅព្រះរាជាណាចក្រកម្ពុជា ក្នុងឆ្នាំ២០២៦។